14.11.20 - 20:00
Ívan Guðjón Baldursson
Cocu látinn fara frá Derby (Staðfest)
Leikstíll Derby breyttist undir stjórn Cocu og voru stuðningsmenn misánægðir með 'Cocuball' stílinn.
Mynd: Getty Images
Leikstíll Derby breyttist undir stjórn Cocu og voru stuðningsmenn misánægðir með 'Cocuball' stílinn.
Mynd: Getty Images
Derby County er búið að staðfesta brottrekstur Phillip Cocu úr starfi. Derby hefur farið gríðarlega illa af stað í Championship og situr óvænt á botni deildarinnar með 6 stig eftir 11 umferðir.
Cocu og Derby komust að samkomulagi um starfslok en Cocu tók við Derby eftir að Frank Lampard var fenginn yfir til Chelsea í fyrra. Derby mistókst að ná umspilssæti á fyrstu leiktíð Cocu og var hrikaleg byrjun á nýrri leiktíð meira en nóg til að fylla mælinn.
Chris van der Weerden og Twan Scheepers hafa einnig yfirgefið félagið en þeir komu ásamt Cocu í fyrra.
„Félagið vill þakka Phillip og starfsteymi hans fyrir vel unnin störf á afar erfiðum tímum," segir meðal annars í yfirlýsingu frá Derby. Ekki var minnst á bráðabirgðarstjóra.
Hinn fimmtugi Cocu gerði garðinn frægan á knattspyrnuvellinum með PSV, Barcelona og hollenska landsliðinu. Hann stýrði PSV í fimm ár og tók svo við Fenerbahce 2018 en gekk herfilega þar og var rekinn eftir nokkra mánuði.
Chris van der Weerden og Twan Scheepers hafa einnig yfirgefið félagið en þeir komu ásamt Cocu í fyrra.
„Félagið vill þakka Phillip og starfsteymi hans fyrir vel unnin störf á afar erfiðum tímum," segir meðal annars í yfirlýsingu frá Derby. Ekki var minnst á bráðabirgðarstjóra.
Hinn fimmtugi Cocu gerði garðinn frægan á knattspyrnuvellinum með PSV, Barcelona og hollenska landsliðinu. Hann stýrði PSV í fimm ár og tók svo við Fenerbahce 2018 en gekk herfilega þar og var rekinn eftir nokkra mánuði.
