Doak, sem er 17 ára gamall, gekk í raðir Liverpool frá Celtic í sumar fyrir 600 þúsund pund.

Hann fagnaði afmæli sínu síðasta föstudag eftir að hafa komið óvænt inn af bekknum í deildabikarnum gegn Derby. Hann var svo áfram á bekknum gegn Southampton í deildinni á laugardag. Eftir að hann varð 17 ára þá gat hann skrifað undir fyrsta atvinnumannasamninginn.

Hann hefur verið að standa sig vel í akademíunni og hefur unnið sig úr U18 liðinu í U21 liðið.

Jurgen Klopp, stjóri Liverpool, hrósaði honum eftir leikinn gegn Derby en það eru miklar vonir bundnar við hann fyrir framtíðina.