Dalvík/Reynir hefur samið við tvo nýja leikmenn fyrir átökin í 2. deildinni í sumar.
Annar leikmaðurinn heitir Joan „Gianni“ De Lorenzo Jimenez og er 29 ára væng- og sóknarmaður. Hann kemur til liðs við Dalvík/Reyni frá Spænska liðinu AD Unión Adarve. Gianni er reynslumikill leikmaður og honum er ætlað stórt hlutverk í liði Dalvíkur/Reynis í sumar.
De Lorenzo var á reynslu hjá Þór í vor en fékk ekki samning hjá félaginu.
Þá hefur Kristján Freyr Óðinsson gengið í raðir liðsins en hann kemur frá Hetti. Hann lék hinsvegar með Fjarðabyggð í 2. deildinni í fyrra. Kristján lék með Dalvík/Reyni sumarið 2014 en þá var hann lánsmaður frá KA. Þá lék hann einnig með liðinu sumrin 2016 og 2017.
Báðir eru þeir komnir með leikheimild með Dalvík/Reyni og verða löglegir í næsta leik gegn Leikni F. á laugardaginn.
Athugasemdir