„Þeir ætla að reyna að leysa hann af með Pétri Theódór. Voruð þið búnir að heyra þetta? Að Kórdrengir hafi hent tilboði upp á nokkrar milljónir króna á Gróttuna," segir Tómas Þór í Innkastinu.

Sagan segir að tilboðinu hafi verið hafnað en Pétur ku vera á leið í Breiðablik.

Pétur Theodór er markahæsti leikmaður Lengjudeildarinnar með þrettán mörk og var að sjálfsögðu valinn í úrvalslið umferða 1-11 í deildinni.

Mikill áhugi er á leikmanninum. Fótbolti.net greindi frá því nýlega að það væri nánast frágengið að hann myndi fara í Breiðablik og er enn talið að hann muni klæðast grænu treyjunni.