Enski miðjumaðurinn James Dale hefur gert nýjan samning við Víking Ólafsvík. Samningurinn gildir út næsta tímabil.
James, sem er 25 ára gamall, kom til Víkings Ó. í maí á þessu ári frá Njarðvík og þótti standa sig mjög vel.
Dale er uppalinn hjá Reading og Bristol Rovers en gekk til liðs við Forfar Athletic FC í Skotlandi árið 2013 og lék með liðinu í tvö tímabil.
Árið 2015 skipti hann yfir í Brechin City þar sem hann lék í þrjú tímabil og spilaði 80 leiki í Scottish League One og Scottish Championship (skoska C og B deildin).
Samtals hefur hann spilað tæplega 150 leiki í Skotlandi.
Jón Páll Pálmason mun stýra Ólsurum næsta sumar eftir að hafa tekið við liðinu af Ejub Purisevic.
Víkingur Ó. hafnaði í fjórða sæti Inkasso-deildinni síðasta sumar.
Athugasemdir