Ólíklegt er að enski varnarmaðurinn Callum Williams verði áfram hjá KA eins og staðan er í dag. Sævar Pétursson, framkvæmdastjóri KA, greinir frá þessu í KA Podcastinu en Callum er samningslaus.
Hinn 28 ára gamli Callum hefur spilað með KA undanfarin fimm ár en hann hefur skorað þrjú mörk í 97 deildar og bikarleikjum með liðinu.
Hinn 28 ára gamli Callum hefur spilað með KA undanfarin fimm ár en hann hefur skorað þrjú mörk í 97 deildar og bikarleikjum með liðinu.
„Callum er kominn í vinnu út í Bretlandi sem hann hefur verið að sækjast eftir. Hann er ólíklegur eins og staðan er í dag en við ætlum að taka samtal við hann í janúar," sagði Sævar í KA podcastinu.
Miðjumaðurinn reyndi Steinþór Freyr Þorsteinsson og framherjinn Sæþór Olgeirsson eru einnig samningslausir en viðræður er í gangi við þá um framlengingu.
„Við gerum vonir um að bæði Steinþór og Sæþór verði áfram í félaginu," sagði Sævar.
Varnarmaðurinn Torfi Tímoteus Gunnarsson er farinn aftur í Fjölni eftir að hafa verið í láni hjá KA í sumar. Ef Callum verður ekki áfram hjá KA þá gæti félagið reynt að fá nýjan varnarmann að sögn Sævars.
KA er í leit að nýjum aðstoðarþjálfara og Sævar greinir frá því í þættinum að viðræður séu í gangi við tvo aðila.
Athugasemdir