Davíð Þór Viðarsson.
Leikur FH og HK í 3. umferð Bestu deildarinnar átti að fara fram á Kaplakrikavelli næsta laugardag en heimaleikjum liðanna hefur verið víxlað og fer leikurinn því fram í Kórnum.
Leikurinn færist fram um rúmlega tvo klukkutíma og hefst klukkan 14:00 í stað þess að hefjast 16:15. Leikur KR og Fram hefst 16:15 og því er hægt að sjá báða leikina.
Leikurinn færist fram um rúmlega tvo klukkutíma og hefst klukkan 14:00 í stað þess að hefjast 16:15. Leikur KR og Fram hefst 16:15 og því er hægt að sjá báða leikina.
„HK-ingar voru tilbúnir að víxla og KSÍ gerði engar athugasemdir um það," sagði Davíð Þór Viðarsson, yfirmaður fótboltamála hjá FH, við Fótbolta.net.
„Við erum mjög þakklátir HK-ingum að vera tilbúnir að víxla við okkur."
Fyrsti leikur á Kaplakrikavelli fer því ekki fram fyrr en í fyrsta lagi 4. maí þegar Vestri mætir í heimsókn. Verður völlurinn klár þá?
„Ég held að um leið að næturfrostið hættir þá taki völlurinn við sér. Vandamálið okkar stúkuhliðin, grasið þeim megin hefur ekki fengið nógu mikla sól og grasið því ekki náð að þiðna almennilega. Ég held að ég geti lofað þér því að þetta verður klárt 4. maí," sagði Davíð.
Leikur FH og Vestra er liður í 5. umferð deildarinnar.
Athugasemdir
