Þróttur Reykjavík fór með sigur af hólmi gegn Reyni Sandgerði í eina leik kvöldsins í 2. deild karla.

Það var Englendingurinn Sam Hewson - sem lék eitt sinn fyrir Manchester United - sem gerði eina markið í leiknum sem fór fram í Sandgerði.

Lokatölur 0-1 og sterkur sigur gestana úr Laugardalnum staðreynd að þessu sinni.

Þróttarar hafa ekki tapað síðan þeir fengu skell gegn Njarðvík í fyrstu umferð; þeir eru búnir að vinna fimm af síðustu sex leikjum sínum og eru í þriðja sæti með 16 stig. Reynir aftur á móti er án stiga eftir sjö leiki og er útlitið ekki gott þar.