Barcelona er að leita sér að miðverði til að kaupa í janúarglugganum samkvæmt spænskum fjölmiðlum.
Sport fjallar um að Ronald Koeman, stjóri Barcelona, vilji fá miðvörð til að veita Clement Lenglet og Gerard Pique samkeppni. Samuel Umtiti er á mála hjá Börsungum en hann hefur verið einstaklega óheppinn með meiðsli.
Samkvæmt Sport þá leitar hugur Börsunga til Englands. Eric Garcia, miðvörður Man City, er efstur á óskalistanum en ólíklegt er að City muni selja hann í janúar - jafnvel þó svo að samningur hans endi eftir tímabilið.
Ef Garcia kemur ekki, þá mun Barcelona leita að miðverði sem getur komið á láni fyrir nokkuð lága upphæð. Antonio Rudiger, miðvörður Chelsea, er nafn sem er inn á borði hjá Barcelona en Chelsea er tilbúið að leyfa honum að fara.
Joel Matip er einnig leikmaður sem Börsungar hafa skoðað, en Liverpool mun ekki vilja láta hann fara í janúar. Þá er Shkodran Mustafi, miðvörður Arsenal, einnig nafn á lista hjá Katalóníustórveldinu.
Barcelona hefur ekki farið vel af stað á Spáni og er í áttunda sæti með 11 stig eftir sjö leiki.
Athugasemdir