Staða Antonio Conte hjá Tottenham er í óvissu en gengi liðsins hefur ekki verið að óskum að undanförnu. Tottenham tapaði gegn grönnum sínum í Arsenal 2-0 um síðustu helgi.
Gildandi samningur Conte rennur út í sumar en félagið hefur þó kost á að framlengja samninginn um tólf mánuði.
Það verður þó ekki gert ef framtíðarsýn hans og stjórnarinnar samræmist ekki. Conte hefur látið skýrt í ljós að hann vill vera sannfærður um metnað félagsins en hann hefur verið afskaplega sigursæll á sínum ferli.
Tottenham hefur aðeins unnið þrjá af síðustu níu úrvalsdeildarleikjum.
Athugasemdir