Matthijs de Ligt fer til Bayern
Hollenski miðvörðurinn Matthijs de Ligt mun ganga í raðir Bayern München frá Juventus, en þetta fullyrðir ítalski blaðamaðurinn Fabrizio Romano í kvöld.
Þessi 22 ára gamli varnarmaður gekk í raðir Juventus frá Ajax fyrir þremur árum fyrir 75 milljónir evra og hefur hann verið fastamaður í liði ítalska liðsins síðan.
De Ligt tjáði stjórnarmönnum Juventus fyrr í þessum mánuði að hann vildi yfirgefa félagið og er það nú að verða að veruleika.
Bayern hefur rætt við Juventus síðustu daga og hafa félögin nú náð munnlegu samkomulagi um kaupverð. Bayern greiðir ríflega 80 milljónir evra fyrir varnarmanninn stóra og stæðilega þar sem hluti af greiðslunum miðast við árangur hans hjá þýska félaginu.
De Ligt mun skrifa undir fimm ára samning við Bayern en Fabrizio Romano lét eftir sér hin afar vinsælu spakmæli „Here We Go" og má því gera ráð fyrir að félögin staðfesti samkomulagið á næstu dögum.
Matthijs de Ligt to FC Bayern, here we go! Verbal agreement has been reached tonight as clubs have been in contact all day - final bid accepted by Juventus for package worth more than €80m 🚨🔴🇳🇱 #FCBayern
— Fabrizio Romano (@FabrizioRomano) July 17, 2022
De Ligt has already agreed personal terms and will sign until June 2027. pic.twitter.com/JRQRubjVPD
Athugasemdir
