Staðan var 4-4 að loknum fimm umferðum í vítaspyrnukeppni en í 10. umferð klikkaði Jamie Shackleton á punktinum fyrir Leeds og Hull kláraði keppnina með sinni spyrnu.

Marcelo Bielsa, stjóri Leeds, sat fyrir svörum á blaðamannafundi eftir leik.

„Leikmenn lögðu sig fram, það er enginn spurning. Við vörðumst ekki vel og við sóttum ekki vel. Það var galli í samsetningu liðsins, á öllum þremur svæðunum í liðinu. Leikmenn náðu ekki að tengja saman," sagði Bielsa.

„Þetta er á ábyrgð þjálfarans og því finnst mér ég eiga að taka ábyrgð," bætti Bielsa við.