18.01.25 - 07:45
Sæbjörn Þór Þórbergsson Steinke
Elísabet virðist vera að taka við belgíska landsliðinu
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Í gær tilkynntu Belgar um breytingar á þjálfaramálum sínum hjá báðum landsliðum sínum. Dominic Tedesco var rekinn sem þjálfari karlalandsliðsins og Ives Serneels var látinn fara sem þjálfari kvennalandsliðsins en hann hafði stýrt liðinu í fjórtán ár.
Belgískir miðlar, þar á meðal Het Nieuwsblad fjölluðu um það í kjölfarið að Elísabet Gunnarsdóttir myndi taka við liðinu. Seint í gærkvöldi birti svo 433.is frétt eftir sínum heimildum að Elísabet væri að öllum líkindum að taka við belgíska kvennalandsliðinu.
Belgískir miðlar, þar á meðal Het Nieuwsblad fjölluðu um það í kjölfarið að Elísabet Gunnarsdóttir myndi taka við liðinu. Seint í gærkvöldi birti svo 433.is frétt eftir sínum heimildum að Elísabet væri að öllum líkindum að taka við belgíska kvennalandsliðinu.
TENGT EFNI
Móðir Betu veiktist alvarlega í vetur - Síðustu mánuðir snúist um að koma henni aftur af stað í lífinu
Beta, eins og hún er oftast kölluð, hefur verð án starfs síðan hún hætti sem þjálfari Kristianstad haustið 2023. Hún var sterklega orðuð við Aston Villa á Englandi í fyrra en ekkert varð úr því að hún tæki við liðinu. Þar á undan var hún orðuð við stórlið Chelsea og norska landsliðið.
Næsta verkefni hjá Belgum er Þjóðadeildin og svo í sumar tekur liðið þátt í EM þar sem liðið er í B-riðli ásamt Ítalíu, Spáni og Portúgal. Á heimslista FIFA, sem birtur var í nóvember, er Belgía í 19. sæti. Tessa Wullaert, liðsfélagi Cecilíu Ránar Rúnarsdóttur hjá Inter Milan, er fyrirliði og markahæsti leikmaður belgíska landsliðsins með 87 mörk í 139 landsleikjum.
Beta er 48 ára og hefur á sínum ferli stýrt ÍBV, Val og Kristianstad. Hún var í fimmtán ár hjá Kristianstad og gerði mjög eftirtektarverða hluti með liðið.
Næsta verkefni hjá Belgum er Þjóðadeildin og svo í sumar tekur liðið þátt í EM þar sem liðið er í B-riðli ásamt Ítalíu, Spáni og Portúgal. Á heimslista FIFA, sem birtur var í nóvember, er Belgía í 19. sæti. Tessa Wullaert, liðsfélagi Cecilíu Ránar Rúnarsdóttur hjá Inter Milan, er fyrirliði og markahæsti leikmaður belgíska landsliðsins með 87 mörk í 139 landsleikjum.
Beta er 48 ára og hefur á sínum ferli stýrt ÍBV, Val og Kristianstad. Hún var í fimmtán ár hjá Kristianstad og gerði mjög eftirtektarverða hluti með liðið.
Mynd: Fótbolti.net - Hafliði Breiðfjörð
