Frá heimavelli Sheffield Wednesday. Hillsborough.
Sheffield Wednesday, sem leikur í Championship-deildinni, hefur fengið refsingu vegna vangoldinna launa til leikmanna og starfsmanna.
Félagið má ekki kaupa leikmenn í þremur næstu félagaskiptagluggum. Greiðslur sem áttu að berast 30. maí voru í vanskilum, og þetta er í annað skipti á árinu sem félagið á í vandræðum með launagreiðslur.
Eigandi félagsins, Dejphon Chansiri, og félagið sjálft hafa verið ákærð fyrir fjölmörg brot tengd greiðsluskyldum. Rétt er að taka fram að Chansiri hefur lengi verið í viðræðum um sölu á félaginu en bandarískt fjárfestingafélag undir stjórn John Flanagans segir að tvö tilboð þeirra hafi verið hafnað.
Ensku deildasamtökin hafa staðfest að Sheffield Wednesday geti nú aðeins sótt leikmenn á frjálsri sölu eða með láni til janúar 2027. Félagið hefur tilkynnt um áform um að áfrýja ákvörðuninni.
Félagið hefur verið gagnrýnt af leikmannasamtökum fyrir óásættanlegar tafir á launagreiðslum.
Athugasemdir
