Ágúst Gylfason, þjálfari Breiðabliks, var að vonum svekktur eftir 1-0 tap sinna manna gegn ÍA í dag. Sigurmarkið kom á lokamínútum leiksins.

„Þetta var högg í magann. Við vorum aðeins að gefa þeim þessi föstu leikatriði þar sem að þeir eru hættulegir. Ég var í rauninni ánægður með liðið hvað við náðum að spila boltanum vel en því miður þá fáum við ekkert úr þessum leik." sagði Gústi eftir leik.

Lestu um leikinn: Breiðablik 0 -  1 ÍA

Leikurinn var ekki mikið fyrir augað og var lítið af marktækifærum en vörn beggja liða var þétt.

„Það er erfitt að komast í gegnum fimm manna vörn. Við fengum þarna tvö til þrjú færi og gáfum lítið af færum á okkur en var fast leikatriði sem að kláraði þetta."

Gústi Gylfa og Siggi Jóns, aðstoðarþjálfari ÍA, lentu í smá orðaskaki eftir leik.

„Ég skil hann ekki alveg. Ég væri himinlifandi með þrjú stig í svona leik. En ég veit ekki, þú verður að spyrja hann hvað hann var að hugsa." sagði Gústi að lokum.

Nánar er rætt við Gústa í spilaranum að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit