Danmörk: Midtjylland tapaði öðrum toppslag

Mikael Anderson fékk að spila síðustu tíu mínúturnar er Midtjylland heimsótti FC Kaupmannahöfn í dönsku titilbaráttunni.

Það munar gífurlega mjóu á toppliðunum þremur á lokakafla tímabilsins en Midtjylland hefur verið að ganga herfilega að undanförnu.

Í dag var staðan 2-2 eftir fjörugan fyrri hálfleik en hlutirnir breyttust í þeim síðari eftir að Dion Cools fékk rautt spjald á 75. mínútu fyrir brot innan vítateigs.

Heimamenn skoruðu úr vítaspyrnunni og innsgluðu svo sigurinn gegn tíu Mið-Jótlendingum.

Midtjylland er aðeins búið að fá eitt stig úr síðustu þremur leikjum og gæti misst toppsætið til Bröndby á morgun. Kaupmannahöfn er í þriðja sæti, tveimur stigum eftir Midtjylland.