Velski landsliðsmaðurinn Gareth Bale verður ekki með Real Madrid næstu tvo mánuði eftir að hann meiddist á æfingu. Það er því ekki miklar líkur á því að hann verði með í El Clasico.
Bale var á láni hjá Tottenham á síðasta tímabili þar sem Zinedine Zidane hafði engan áhuga á að spila honum.
Sóknarmaðurinn gerði vel með enska liðinu áður en hann snéri aftur til Spánar. Carlo Ancelotti tók við Madrídingum í sumar og tókst Bale að spila sig inn í liðið.
Nú er hins vegar ljóst að hann verður frá næstu tvo mánuði eftir að hann meiddist á fæti. Real Madrid mætir Barcelona í El Clasico þann 24. október.
„Við vitum ekki hvað hann þarf langan tíma. Þessi meiðsli eru alvarleg og því erfitt að setja tímaramma á þau. Hann var að gera góða hluti og var að leggja hart að sér, en við verðum að bíða og sjá," sagði Ancelotti.
Athugasemdir
