„Það er súr tilfinning að vinna ekki leikinn en það er alltaf gaman að spila fyrir land og þjóð," sagði Albert Guðmundsson eftir 2-2 jafntefli gegn Katar í kvöld.
Lestu um leikinn: Katar 2 - 2 Ísland
„Ég var betri í fyrri hálfleik en þeim síðari. Ég þarf kannski aðeins að vinna í því að halda þetta út," sagði Albert en hann var mikið sparkaður niður í fyrri hálfleik. „Það mætti halda það að þeir hafi lagt upp með að sparka mig niður, sérstaklega í fyrri hálfleik."
Albert átti einnig góðan leik gegn Belgum á fimmtudag og hann vonast til að vera að færast ofar í baráttunni um sæti í byrjunarliðinu.
„Ég vona það. Það vantaði fullt af leikmönnum og ég reyni að nýta öll tækifæri sem ég fæ. Við erum með klassa leikmenn í öllum stöðum og það er erfitt að komast í liðið en ég mun reyna mitt besta til að komast þangað."
Aðspurður út í umræðu um það hvort hann og Gylfi Þór Sigurðsson geti spilað saman sagði Albert: „Jú við erum góðir vinir, við getum alveg spilað saman."
Hér að ofan má sjá viðtalið í heild sinni.
Athugasemdir