Franska blaðið L'Equipe segir að þriðja mark Argentínu í úrslitaleiknum í gær, annað markið hans Messi, hefði ekki átt að standa þar sem of margir leikmenn Argentínu hafi verið inni á vellinum.
Margir hrista hausinn yfir þessari frétt og segja franska blaðið vera með örvæntingarfullan biturleika eftir tap Frakklands í úrslitaleiknum.
Margir hrista hausinn yfir þessari frétt og segja franska blaðið vera með örvæntingarfullan biturleika eftir tap Frakklands í úrslitaleiknum.
Þegar Messi skoraði í framlengingunni voru tveir varamenn komnir inn á völlinn tilbúnir að fagna, áður en boltinn fór yfir línuna. Þeir höfðu þó klárlega engin áhrif á leikinn.
„Þriðja mark Argentínu hefði átt að vera dæmt ógilt" segir í fyrirsögn L'Equipe og vitnar blaðið í reglur sem segja að ef of margir leikmenn sem séu skráðir á skýrslu séu inni á vellinum þegar mark sé skorað eigi að dæma markið ógilt.
Blaðið gefur pólska dómaranum Szymon Marciniak 2/10 í einkunn fyrir leikinn en flestir eru á öðru máli og telja hann hafa skilað frábæru starfi í úrslitaleiknum.
Frakkar eiga erfitt með að sætta sig við niðurstöðuna í gær.
Athugasemdir
