Sebastian Kehl, stjórnandi hjá Borussia Dortmund, er búinn að staðfesta að miðjumaðurinn Mahmoud Dahoud mun yfirgefa félagið á frjálsri sölu næsta sumar.
Dahoud er 27 ára gamall miðjumaður sem fæddist í Sýrlandi en á leiki að baki fyrir þýska landsliðið.
Dahoud á 137 leiki að baki á fimm og hálfu ári hjá Dortmund en hann hefur aðeins komið við sögu í sex leikjum á yfirstandandi leiktíð.
„Ég átti opið og heiðarlegt samtal við Dahoud í síðustu viku þar sem ég greindi honum frá því að við myndum ekki framlengja samninginn hans eftir tímabilið," sagði Kehl í samtali við Bild.
Dahoud hefur aðeins unnið þýska bikarinn og þýska Ofurbikarinn sem leikmaður Dortmund. Hann lék fyrir Borussia Mönchengladbach áður en hann var fenginn yfir til Dortmund.
Athugasemdir