Jürgen Klopp segir það vera klárt mál að Liverpool þarf að gera breytingar á leikmannahópi sínum næsta sumar.
Liverpool hefur ekki átt góðu gengi að fagna á tímabilinu en liðið keypti einungis Darwin Nunez síðasta sumar og svo Cody Gakpo í janúar. Klopp telur breytinga vera þörf enda er Liverpool óvænt í áttunda sæti ensku úrvalsdeildarinnar.
„Það flækir hlutina að vera ekki í topp fjórum en við erum ennþá Liverpool og það er ekki eins og við getum ekki keypt neitt þó að við séum ekki í Meistaradeildinni," sagði Klopp
„Við verðum að kaupa inn nýja leikmenn, það er 100% klárt mál. Við verðum að gera breytingar í sumar. Það er augljóst og það átta sig allir á því.
„Það er ekki í mínum höndum hversu mikið við getum gert en við erum í stöðugum samræðum og allir innan stjórnarinnar vita nákvæmlega hvað við þurfum til að bæta hópinn."