Leeds ræddi meðal annars við Alfred Schreuder, fyrrum stjóra Ajax, en tilkynnti síðasta þriðjudag að Michael Skubala myndi halda áfram sem bráðabirgðastjóri „í komandi leikjum".

Einum leik síðar er Leeds að vonast til að ráða stjóra til frambúðar. Á laugardag leikur Leeds annan fallbaráttuslag, gegn botnliði Southampton.

Gracia var síðast þjálfari Al Sadd í Katar og hann vann deildina áður en hann var rekinn í júní í fyrra. Hann var stjóri Watford frá janúar 2018 til september 2019. Hann kom liðinu í úrslitaleik FA-bikarsins 2019 en var svo rekinn eftir slaka byrjun á tímabilinu á eftir.

Meðal annarra liða sem hann hefur þjálfað eru Malaga á Spáni og Rubin Kazan í Rússlandi.