Man Utd til í að opna veskið fyrir Yildiz - Everton gæti reynt við Phillips - Liverpool hefur áhuga á Wharton
„Veit ekki hvort maður eigi að kalla það frétt eða ábendingu um slúður"
Segir að Fram þurfi að gera betur - „Skrítið ef ég verð ekki áfram"
Segir mörkin í blóðinu - „Þegar Víkingur sýnir áhuga þá veit maður að það er ekkert grín“
Boris Arsic: Höfum ekki reynslu af svona veðri
Agla María: Sérstaklega frábært að hún skoraði fyrsta markið sitt
Nik: Náðum ekki almennilegum takti en framtíðin er björt
Þórir á eitt ár eftir og tekur stöðuna - „Það er þreytt"
Ísak Bergmann: Maður þarf stundum að klípa sig
Aron Einar: Ekki til í minni orðabók
Nik: Ánægður að UEFA hafi ákveðið að byrja með þessa keppni
Kom ekki við sögu í síðasta glugga - „Þarf að styðja við menn sem spila og vona að maður fái sénsinn núna“
Agla María: Mjög jákvætt skref fyrir kvennaboltann í heiminum
Kominn aftur í landsliðshópinn - „Spilaði stórt hlutverk í U21 en alltaf endamarkmiðið að vera í A-landsliðinu“
Daníel Tristan um rauða spjaldið - „Held að þetta geti komið fyrir alla“
Kallaður Evrópu-Sævar í Bergen - „Segja að ég spili best undir Freysa“
Sjáðu það helsta úr spænska: Barcelona tapaði stórt og Real fór á toppinn
Sjáðu það helsta úr ítalska: Markaveisla í Róm og Napoli fór á toppinn
Matthías: Ég stefni á að vera áfram með liðið og verð áfram með liðið
Jóhannes Karl: Það er bara það sem er skemmtilegt við fótbolta
Sjáðu það helsta þegar Lille gerði jafntefli við PSG
banner
   sun 20. ágúst 2023 20:54
Sölvi Haraldsson
Tíðindin um Óla Kristjáns komu Óskari í opna skjöldu - „Við höfum tekist á“
Mynd: Fótbolti.net - Hafliði Breiðfjörð

Mér fannst þetta spilast þannig að við vorum meira með boltann. Þeir voru með hættulagar langar sendingar og voru líka hættulegir úr föstum leikatriðum. Mér fannst við heilt yfir í leiknum spila vel. Við áttum að vera löngu búnir að gera út um leikinn. Í grunninn réðum við vel við þessi föstu leikatriði hjá þeim. Orkan og hugarfarið var líka eitthvað sem ég var mjög ánægður með. Það er auðvelt að smækka þennan leik þegar það er stórleikur handan við hornið. Þeir báru virðingu fyrir verkefninu og fyrir það er ég stoltur.“ sagði Óskar Hrafn, þjálfari Breiðabliks, eftir 2-1 sigur Blika á Keflavík. Ágúst Eðvald Hlynsson gerði bæði mörk Blika.


Lestu um leikinn: Breiðablik 2 -  1 Keflavík

Keflavík fengu eitt og eitt færi í fyrri hálfleik og hefðu getað verið 2-1 yfir í hálfleik en Blikarnir gjörsamlega rúlluðu yfir Keflavík í seinni hálfleik. Óskar var ánægður með frammistöðu sinna manna í seinni hálfleiknum.

Seinni hálfleikurinn var betri. Það gerði aðeins erfiðara fyrir þeim að vera með vindinn ekki með sér í seinni hálfelik. Við lentum í basli hér og þar í fyrri hálfleik og Frans hefði getað komið þeim í 1-0, það er rétt.

Ágúst Eðvald skoraði bæði mörk Blika í dag en Óskar var spurður út í það hvort þetta hafi verið þolinmæðisverkefni í seinni hálfleik.

Ég myndi halda það. Við sköpuðum fullt af færm í fyrri hálfleik og hefðum átt að vera búnir að klára leikinn. Keflavík voru auðvitað þéttir og lágu til baka. Það er ekkert auðvelt að brjóta þá niður. Þeir eru líka hættulegir í þessum skyndisóknum þegar við töpum boltanum. Við spiluðum samt betur í seinni hálfleik en í þeim fyrri.

Næsti leikur hjá Breiðablik er á móti FC Struga sem er úrslitaeinvígi um að komast í riðlakeppni evrópu. Ekkert Íslenkst lið hefur afrekað það en hvernig leggst þessi leikur í Óskar?

Hann leggst mjög vel í mig. Það er mikil tilhlökun. Ef við náum réttu orkustigi og komum með rétt hugarfar inn í leikinn getum við náð í góð úrslit. Frammistöðurnar eru mikilvægar en akkúrat þarna í þessum leik mun þetta snúast um það að ná í þannig úrslit að við erum í forystu þegar við eigum seinni leikinn hérna heima. Vikan mun bara fara í það.“

Eftir að hafa dottið úr bikarnum og átt kannski örlítið vonbrigðar tímabil var Óskar spurður út í það hvort einvígið gegn Struga gæti ráðið því hvort þetta sé vonbrigðar tímabil eða gott tímabil hjá Breiðablik.

„Ég veit það ekki. Það er mjög auðvelt fyrir einhvern að setja það þannig upp. Það er mjög bratt að segja það þar sem ekkert Íslenskt lið hefur afrekað það að fara í riðlakeppnina. Mér finnst stundum eins og það er sagt að þetta sé búið og að það er varla hægt að klúðra þessu. En auðvitað er það þannig að þegar maður er kominn á þennan stað væru það vonbrigði að komast ekki áfram. Ég held að það sé annara að dæma það hvort tímabilið væri vonbrigði ef við myndum ekki fara í riðlakeppni. En það er mikilvægur leikur á fimmtudaginn þar sem við þurfum að ná í úrslit og koma okkur í forystu fyrir seinni leikinn.

Það voru risatíðindi um helgina þegar Óli Kristjánsson, yfirmaður knattspyrnumála hjá Breiðablik, var sagt upp störfum. Óskar var spurður út í það hvernig hans samband við Óla hefur verið eftir komu hans í Breiðablik og einnig hvernig hans fyrstu viðbrögð voru eftir þessi tíðindi.

Þetta kom mér bara í opna skjöldu. Sambandið okkar hefur bara verið fínt. Ég las þetta bara eins og aðrir á netinu. Það er leiðinlegt þegar fólk missir starfið. Óli er toppmaður og búinn að gera fullt af góðum hlutum fyrir Breiðablik og staðið sig frábærlega. Hann er maðurinn sem kom með fyrsta íslandsmeistaratitilinn og fyrsta bikarmeistaratitilinn hingað. Þannig hann á ekkert nema gott skilið.“

Það eru margar sögur sem fara af því að samband Óla og Óskars hafi ekki verið gott en Óskar var spurður út í það hvernig sambandið hefur verið við Óla.

Við höfum tekist á. Ég hef rifist við alla í þessu félagi einhverntíman. Það er vel orðum aukið að samband okkar hafi verið eitthvað verra heldur en eitthvað annað samband mitt við fólk hérna.“ sagði Óskar Hrafn, þjálfari Breiðabliks að lokum eftir 2-1 sigur á Keflavík.

Viðtalið má sjá í heild sinni í spilaranum hér að ofan.


Athugasemdir
banner