Rashford er búinn að skora 16 mörk í 17 leikjum síðan HM í Katar lauk og ætlar ekkert að hægja á sér.
„Þetta er frábær tilfinning. Ég er að skora og við erum að vinna leiki þó að við séum ekki endilega að spila uppá okkar besta, sem er mjög gott merki. Við þurfum enn að bæta okkur en yfir heildina litið þá höfum við tekið mögnuðum framförum," segir Rashford.
„Við erum að berjast um marga mismunandi titla og það er mikið af mikilvægum stórleikjum framundan. Í miðri viku eigum við stórleik í Evrópudeildinni og svo er úrslitaleikur deildabikarsins um helgina. Það eru alltaf spennandi leikir framundan og ég finn enga löngun til að slaka á. Ég ætla ekki að hægja á mér. Ég mun alltaf reyna að bæta mig."
Man Utd er í þriðja sæti ensku úrvalsdeildarinnar sem stendur, þremur stigum eftir Manchester City og fimm stigum eftir toppliði Arsenal sem á leik til góða.
„Við erum ekki langt frá toppbaráttunni en bæði liðin fyrir ofan okkur eru mjög sterk og misstíga sig sjaldan. Við verðum að halda einbeitingunni á sjálfum okkur ef við viljum eiga einhverja möguleika á titlinum. Við megum ekki horfa á hvað toppliðin eru að gera."
Man Utd er með 49 stig úr síðustu 22 úrvalsdeildarleikjum en á ekki deildarleik næst fyrr en 5. mars. Þá heimsækja Rauðu djöflarnir stórlið Liverpool.
Rauðu djöflarnir eiga leiki í Evrópudeildinni, deildabikarnum og FA bikarnum áður en leikinn gegn Liverpool ber að garði.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
