Fótboltafréttamaðurinn Fabrizio Romano greinir frá því að Manchester United leiði kapphlaupið um brasilíska sóknarleikmanninn Matheus Cunha.
Cunha hefur verið besti leikmaður Wolves á tímabilinu og nýlega verið orðaður við Arsenal og Nottingham Forest meðal annars.
Man Utd hefur þegar sett sig í samband við umboðsteymi Cunha og er leikmaðurinn falur fyrir 62,5 milljónir punda, sem samsvarar riftunarákvæðinu í samningi hans við Úlfana.
Cunha er 25 ára gamall og hefur komið að 20 mörkum í 31 leik með Úlfunum á tímabilinu.
Talið er að kaup á nýjum framherja sé forgangsmál fyrir Rúben Amorim þjálfara Man Utd, sem vill líka fá inn nýjan markvörð til að veita André Onana samkeppni.
Athugasemdir
