Orri hefur verið magnaður í úrslitakeppni dönsku deildarinnar en hann var að skora fjórða og fimmta mark sitt.

Fyrra markið gerði hann með skalla eftir sendingu Elias Achouri en stuttu síðar jöfnuðu AGF-menn er Mikael Neville lagði upp fyrir Mads Madsen.

Madsen skoraði tvö og fullkomnaði þrennu sína áður en hálfleikurinn var úti.

Tíu mínútum fyrir leikslok tókst Orra að gera annað mark sitt með glæsilegu skoti fyrir utan teig.

Orri með 14 mörk og 8 stoðsendingar í öllum keppnum á tímabilinu, sem verður að teljast ansi gott fyrir 19 ára gamlan leikmann.

Tap FCK þýðir að liðið er úr leik í baráttu um danska meistaratitilinn en liðið er í 3. sæti meistarariðilsins með 58 stig á meðan AGF er í 5. sæti með 41 stig.