Lengjudeildin: Fjölnir í engum vandræðum með Þrótt V.

Þetta byrjaði vel fyrir Fjölni en Hákon Ingi Jónsson komst einn gegn Rafal strax á 2. mínútu og rúllaði boltanum undir hann og í netið.

Stuttu síðar tvöfaldaði Hans VIktor Guðmundsson forystuna þegar hann skallaði boltann í netið eftir hornspyrnu. Lúkas Logi Heimisson og Guðmundur Þór Júlíusson skoruðu sitt markið hvor undir lok fyrri hálfleiksins.

Andri Freyr Jónasson kom boltanum í netið á 78. mínútu en markið var dæmt af vegna rangstöðu, hann lét það ekki á sig fá og skoraði aftur þremur mínútum síðar og þá stóð það.

Árni Steinn Sigursteinsson rak síðan síðasta naglann í kistu Þróttara. 6-0 lokatölur. Fjölnir fer upp í 3. sætið tímabundið að minnsta kosti en Þróttur áfram á botninum.