Arnar í Kópavoginum í kvöld.
„Mörkin tvö voru af ódýrari gerðinni, vel gert hjá Gísla samt en þú átt ekki að fá á þig hlaup inn í teig og leyfa honum að skjóta óáreittur. Í seinna markinu var að Seba að gefa hliðarsendingu sem var lesin og það er dýrt," sagði Arnar Grétarsson, þjálfari KA, aðspurður um hvað hefði klikkað hjá sínum mönnum í leiknum.
Lestu um leikinn: Breiðablik 2 - 0 KA
„Það og við þurftum að nýta færin sem við fengum. Það gerðum við ekki og hefðum alveg getað komið okkur inn í leikinn. Fram að öðru markinu vorum við í fínum gír, vorum að koma okkur í fínar stöður og Grímsi fær dauðafæri í stöðunni 1-0. Annað markið, þá varð þetta svolítið brekka."
Fannst þér KA eiga að fá vítaspyrnu í þessum leik? Fréttaritari vitnar þá í atvik á 39. mínútu þegar Ásgeir Sigurgeirsson lá eftir í teignum eftir návígi við Alexander Helga Sigurðarson.
„Ég náttúrulega sá þetta ekki en samkvæmt einhverjum áreiðanlegum heimildum frá sjónvarpsmönnum var þetta víst klárt víti. Það er bara meira svekkjandi, við breytum því ekki en þetta er dýrt. Vilhjálmur Alvar (dómari leiksins) var líka upp á Skaga, við unnum þann leik, þar var samskonar atvik sem var klárt víti. Þar fékk leikmaðurinn gult spjald. Þetta er bara það sem gerist. Það er stöngin út og stöngin inn. Blikarnir fengu soft víti í síðasta leik, nú áttum við að fá víti en fáum það ekki. Þýðir ekkert að vera að væla yfir því, svona er þetta bara," sagði Arnar.
Viðtalið í heild má sjá í spilaranum hér að ofan.
Athugasemdir
