Ingimar Elí Hlynsson, fyrrum leikmaður ÍA og fyrirliði HK fæddur 1992, var þjálfari Kára síðustu vikur tímabilsins og mætti í viðtal eftir 0-2 tap gegn Selfossi í lokaumferðinni í dag.

Kári lýkur keppni í tíunda sæti 2. deildar, fimm stigum fyrir ofan fallsvæðið.

„Það var pirrandi að tapa þessum leik því mér fannst við ekki eiga það skilið. Við náðum oft á tíðum að setja Selfyssingina undir pressu og ég er hundsvekktur að klára tímabilið með þremur tapleikjum í röð. Það er ekki nógu gott en við erum ánægðir með að vera áfram í 2. deildinni á næsta ári," sagði Ingimar, sem segist ekki vita hvort hann muni taka við þjálfarastarfi Kára á næsta ári.

„Það er spennandi undirbúningstímabil framundan hjá Kára og ég held að við getum gert frábæra hluti á næsta tímabili. Það er lokahóf í kvöld, svo tökum við næstu viku til að hugsa hlutina og svo sjáum við til með framtíðina."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit