Bayern keypti Gravenberch á tombóluverði í sumar en félagið greiddi aðeins 18,5 milljónir evra fyrir þjónustu hans.

Gravenberch hefur spilað átta leiki fyrir Bayern á tímabilinu en aðeins byrjað einn gegn Viktoria Köln í bikarnum.

Hann er með samtals 218 mínútur á tímabilinu og er hann afar vonsvikinn með spiltímann en vonast til þess að það breytist eftir landsleikjatörnina.

„Ég sé ekki eftir því að hafa farið til Bayern, en ef ég á að vera hreinskilinn þá er ég vonsvikinn því maður vill auðvitað spila og það er eðlilegt," sagði Gravenberch.

„Ég verð að taka þessu en það er erfitt. Ég verð að halda mér rólegum og vonandi skapast meira pláss eftir landsleikjatörnina," sagði hann í lokin.