Coventry City vann dramatískan, 1-0, sigur á WBA í ensku B-deildinni í kvöld en sigurmarkið kom úr vítaspyrnu í uppbótartíma.

Frammistaða Coventry var töluvert betri en í síðasta leik er það tapaði fyrir Swansea með þremur mörkum gegn engu.

Coventry skapaði sér urmul af færum í leiknum en Jonathan Panzo átti hættulegustu tilraunina er hann stangaði boltann í slá.

Sigurmarkið kom. Viktor Gyokeres, markahæsti maður deildarinnar, vann vítaspyrnu í uppbótartíma. Hann skoraði svo sjálfur úr spyrnunni og tryggði Coventry sigur með ellefta marki sínu á tímabilinu.

Coventry er í 8. sæti með 33 stig en WBA í 16. sæti með 29 stig.