Á að baki 103 leiki fyrir landsliðið.
Aron Einar Gunnarsson, fyrirliði íslenska landsliðsins, verður ekki með í komandi verkefni landsliðsins sem er á leið í tvo krefjandi vináttuleiki; gegn Englandi og Hollandi ytra.
Aron sagði í viðtali við Fótbolta.net í síðasta mánuði að hann vonaðist til að verða í nægilega góðu standi til að geta spilað leikina.
Aron sagði í viðtali við Fótbolta.net í síðasta mánuði að hann vonaðist til að verða í nægilega góðu standi til að geta spilað leikina.
Landsliðsþjálfarinn Age Hareide var spurður út í Aron á fréttamannafundi í dag.
„Ég ræddi bæði við Gylfa (Þór Sigurðsson) og Aron (Einar Gunnarsson) eftir leikinn gegn Úkraínu. Ég vildi vita hvort þeir hefðu yfir höfuð áhuga á því að spila fyrir Ísland, bæði út af aldri og stöðunni á sér," sagði Hareide. Hvorugur þeirra hafði á þeim tíma spilað reglulega í talsverðan tíma.
„Þeir eru báðir mjög mikilvægir karakterar fyrir landsliðið. En menn þurfa að vera í góðu standi til að spila. Þeir eru í samkeppni við leikmenn sem eru að koma upp og vilja sanna sig. Þeir báðir hafa áhuga á því að spila fyrir Ísland, elska að spila fyrir Ísland. Það er okkur mjög, mjög mikilvægt."
„Á þessum tímapunkti er Aron ekki í nægilega góðu standi til að spila, hann var mjög skýr með það og það var ekkert vandamál," sagði Hareide á fundinum.
Athugasemdir
