Ademola Lookman hefur verið afar sprækur í fyrri hluta úrslitaleiks Evrópudeildarinnar, þar sem Atalanta spilar við Bayer Leverkusen sem er enn ósigrað á tímabilinu.
Lookman skoraði tvö mörk í fyrri hálfleiknum og leiðir Atalanta 2-0 þegar rétt rúmur hálftími er eftir af venjulegum leiktíma.
Fyrra markið skoraði Lookman eftir lága fyrirgjöf frá Davide Zappacosta, þar sem Josip Stanisic gjörsamlega steinsofnaði á verðinum og leyfði Lookman að hlaupa framhjá sér og skora.
Seinna markið skoraði Lookman eftir laglegt einstaklingsframtak, þar sem uppspil Leverkusen klikkaði og barst boltinn til Lookman sem var með tvo varnarmenn í kringum sig.
Lookman gerði sér lítið fyrir og klobbaði Granit Xhaka áður en hann skoraði með föstu og hnitmiðuðu skoti í fjærhornið til að tvöfalda forystuna.
Sjáðu fyrra markið
Sjáðu seinna markið
Athugasemdir
