Það voru nokkrir Íslendingar sem komu við sögu í leikjum dagsins, þar sem Andri Lucas Guðjohnsen skoraði eina mark Lyngby í 1-1 jafntefli gegn Vejle.
Lyngby 1 - 1 Vejle
1-0 Andri Lucas Guðjohnsen ('58)
1-1 Kristian Kirkegaard ('64)
Álaborg 2 - 0 Köge
Sá leikur var merkilegur fyrir þær sakir að Gylfi Þór Sigurðsson steig aftur á fótboltavöllinn eftir um tveggja og hálfs árs fjarveru úr atvinnumennsku.
Gylfi kom inn fyrir samlanda sinn Sævar Atla Magnússon á 71. mínútu leiksins en tókst ekki að breyta stöðunni. Kolbeinn Birgir FInnsson lék allan leikinn í liði Lyngby, sem er að spila vel undir stjórn Freys Alexanderssonar og er komið með tólf stig eftir níu umferðir á nýju tímabili.
Hinn bráðefnilegi Nóel Atli Arnórsson var þá ekki í hóp hjá Álaborg sem lagði HB Köge að velli 2-0 í B-deild danska boltans. Álaborg trónir á toppi B-deildarinnar með 24 stig eftir 10 umferðir.
Brage 2 - 1 Örebro
Að lokum var Valgeir Valgeirsson í byrjunarliði Örebro sem heimsótti Brage í B-deild sænska boltans.
Valgeiri var skipt út á 75. mínútu, í stöðunni 0-0, en liðsfélagar hans tóku forystuna skömmu síðar.
Heimamenn í Brage komu þó til baka og skoruðu dramatískt sigurmark seint í uppbótartíma.
Örebro er þremur stigum fyrir ofan fallsvæðið eftir þetta tap, með 28 stig úr 23 leikjum.
