Ítalski fjölmiðlamaðurinn Fabrizio Romano segir að Paulo Fonseca sé reiðubúinn að gerast knattspyrnustjóri Newcastle.
Newcastle er að leita sér að nýjum stjóra eftir að Steve Bruce var látinn fara fyrr í þessari viku.
Nýir eigendur frá Sádí-Arabíu hafa tekið við eignarhaldi á Newcastle og ætla að koma með mikinn pening inn í félagið.
Newcastle hefur rætt við nokkra stjóra og þar á meðal er Fonseca. Hann er Portúgali sem er fyrrum stjóri Shakhtar Donetsk og Roma. Síðasta sumar var nálægt því að taka við Tottenham. Hann aðhyllist því að spila áhorfendavænan sóknarbolta, eitthvað sem myndi gleðja stuðningsmenn Newcastle sem voru óánægðir með leikstíl Bruce.
Romano segir að Antonio Conte, fyrrum stjóri Chelsea, Juventus og Inter, sé ekki á meðal þeirra sem koma til greina í starfið. Hann segir jafnframt að Fonseca sé mjög spenntur fyrir því að stýra liði í ensku úrvalsdeildinni.
Ný stjórn Newcastle er enn að skoða möguleikana. Þangað til hún kemst að niðurstöðu, þá mun Graeme Jones stýra liðinu. Hans fyrsti leikur er á morgun gegn Crystal Palace.
Paulo Fonseca is open and ready to accept Newcastle job. The board is still thinking about candidates, Antonio Conte is not even an option - former Roma and Shakhtar manager is frontrunner as of now. 🇵🇹 #NUFC
— Fabrizio Romano (@FabrizioRomano) October 21, 2021
Fonseca wants Premier League chance after Spurs talks last summer.
Athugasemdir