Afturelding heimsótti Keflavík í Nettóhöllina í Faxaflóamótinu í gær og komst í tveggja marka forystu í fyrri hálfleik.

Fyrst skoraði Ragna Guðrún Guðmundsdóttir, fædd 2002, beint úr aukaspyrnu áður en Kristín Þóra Birgisdóttir, 1998, tvöfaldaði forystuna eftir góða pressu.

Keflavík tókst ekki að minnka muninn og niðurstaðan frábær 0-2 sigur Mosfellinga.

Afturelding hefur farið gífurlega vel af stað í Faxaflóamótinu og er með fullt hús stiga eftir sannfærandi sigra gegn Haukum og Þór/KA í fyrstu umferðunum.

Keflavík er aðeins með eitt stig eftir jafntefli við Hauka og tap gegn Stjörnunni.