Á tíma sínum hjá Arsenal lék Özil með Alexis Sanchez. Sanchez kom til Arsenal frá Barcelona á sínum tíma og Özil kom frá Real Madrid. Alls urðu árin hjá Arsenal átta hjá Özil.

Samband hans og Sanchez var mjög öflugt inná vellinum, þeir þekktu leikstíl hvors annars og gátu tengt í blindni. Þeir léku alls 123 leiki saman og báru mikla ábyrgð í ekkert alltof sterku liði undir stjórn Arsene Wenger, lið Arsenal í dag er t.d. miklu öflugra.

Sanchez kom inná tengslin þeirra á milli með skilaboðum til Özil í gær. „Mesut vinur minn, við virkilega skildum hvorn annan. Ég óska þér alls besta á næsta kafla í þínu liði."

Þeir voru liðsfélagar á árunum 2014-2018 en þá var Sanchez seldur til Manchester United. Özil valdi á sínum tíma Sanchez í draumaliðið sitt skipað liðsfélögum frá tímanum í Arsenal.