Jobe Bellingham
Þýska félagið Borussia Dortmund hefur aukið áhuga sinn á enska miðjumanninum Jobe Bellingham, sem er á mála hjá Sunderland á Englandi.
Bellingham er 19 ára gamall og er yngri bróðir Jude, sem spilar með Real Madrid og enska landsliðinu.
Jobe hefur spilað síðustu tvö tímabil með Sunderland og verið í stóru hlutverki en hann gæti fært sig um set í sumar ef liðinu mistekst að komast upp í ensku úrvalsdeildina.
Miðjumaðurinn er sagður falur fyrir um það bil 25 milljónir evra.
Samkvæmt þýskum miðlum hefur Dortmund verulegan áhuga á að fá leikmanninn og myndi þá hanna svipað plan fyrir hann og það gerði fyrir Jude.
Jude kom til Dortmund frá Birmingham árið 2020 og náði miklum framförum sem leikmaður áður en hann var seldur til Real Madrid þremur árum síðar.
Athugasemdir
