Djordje Petrovic.
Enskir miðlar fjalla í dag um að nokkrir leikmenn í aðalliðshópi Chelsea verði ekki með liðinu þegar það fer á HM félagsliða í Bandaríkjunum.
Það eru þeir Raheem Sterling, Djordje Petrovic, Axel Disasi, Ben Chilwell, Renato Veiga og Joao Felix. Þeir eiga það allir sameiginlegt að hafa leikið á láni frá Chelsea á liðinni leiktíð. Eini lánsmaðurinn sem fær kallið í hópinn er Andrey Santos.
Það eru þeir Raheem Sterling, Djordje Petrovic, Axel Disasi, Ben Chilwell, Renato Veiga og Joao Felix. Þeir eiga það allir sameiginlegt að hafa leikið á láni frá Chelsea á liðinni leiktíð. Eini lánsmaðurinn sem fær kallið í hópinn er Andrey Santos.
Mesta furðu vekur fjarvera serbneska markmannsins Petrovic sem átti gott tímabil með Strasbourg í Frakklandi. Chelsea var sterklega orðað við Mike Maignan hjá AC Milan en ekkert varð úr þeim kaupum og því var búist við því að Petrovic yrði einn af markmönnunum sem færu á mótið.
Samkvæmt Telegraph hafa mörg félög nú áhuga á því að fá Petrovic í sínar raðir.
Christopher Nkunku, sem hefur verið sterklega orðaður í burtu frá Chelsea, er í HM hópnum.
Chelsea mætir LAFC, Flamengo og Esperance í riðlakeppni mótsins.
Athugasemdir
