„Knattspyrnudeild Víkings fagnar að hafa gert þriggja ára samning við þennan unga leikmann sem bætist í flóru þeirra efnilegu leikmanna sem fyrir eru hjá félaginu," segir í fréttatilkynningu Víkings R.

Ágúst er nítján ára gamall og spilar sem miðjumaður. Hann er uppalinn hjá Breiðablik en hann á að baki fjóra leiki með aðalliði félagsins. Þeir komu sumarið 2016.

Þaðan var hann seldur til Norwich áður en hann samdi við danska félagið Brøndby. Hann lék með yngri liðum og varaliðum félagsins. Ágúst á að baki 24 leiki fyrir yngri landslið Íslands.

Ágúst verður því gjaldgengur í opnunarleik Pepsi Max-deilarinnar sem fram fer á Origo vellinum á föstudagskvöld.

Ágúst Hlynsson er mættur í Draumaliðsdeild Eyjabita. Þú getur verslað hann í þitt lið með því að smella hér.