Mynd: Getty Images

Meistaraflokkinn hjá Man City þekkja allir fótboltaunnendur enda var hann að verja enska úrvalsdeildartitilinn með sögulegum endurkomusigri gegn Aston Villa um helgina.

Það sem færri vita er að þetta er ekki eini titillinn sem City tókst að verja á þessari leiktíð, því varaliðið vann varaliðadeildina annað árið í röð og sömu sögu má segja um U18 liðið sem vann sína úrvalsdeild aftur. Engu félagi hefur áður tekist að verja þessa þrjá titla á sama tímabili í sögu ensku úrvalsdeildarinnar.

Þar að auki bættust U17 og U16 liðin við þar sem þau unnu sínar keppnir. Man City vann því ensku úrvalsdeildina í fimm aldursflokkum.