Sanson gekk til liðs við Nice síðasta haust á lánssamningi og hefur franska félagið ákveðið að kaupa leikmanninn.

Nice borgar rúmlega 3 milljónir punda fyrir Sanson, sem er 29 ára gamall og kom að sjö mörkum í 32 leikjum á tímabilinu.

Sanson gekk til liðs við Aston Villa í janúar 2021 en kom aðeins við sögu í 23 leikjum með félaginu.

Villa keypti Sanson frá Marseille fyrir um 15 milljónir punda, en þar áður lék hann fyrir Le Mans og Montpellier.

Sanson spilaði 18 leiki fyrir yngri landslið Frakklands en tók aldrei skrefið upp í A-landsliðið.