„Það gekk nú margt upp í dag samt fannst mér. Mér fannst frammistaðan hjá stelpunum vera mögnuð í erfiðari aðstæðum en við höfum spilað oftast í í sumar,” sagði Jóhann Kristinn Gunnarsson þjálfari Þórs/KA eftir 0-1 tap gegn ÍBV í Borgunarbikar kvenna í dag.
Lestu um leikinn: Þór/KA 0 - 1 ÍBV
„Þær náttúrlega skora þetta mark í seinni hálfleik í framlengingunni og við vorum nú svona búin að fá aðvörun í fyrri hálfleiknum í framlengingu.”
„Auðvitað verðum við að taka jákvæða punkta úr þessu en við ætlum að gefa okkur alveg kvöldið í að vera súr og svekkt yfir þessu, því þegar þú leggur svona rosalega mikið í leiki eins og stelpurnar okkar gerðu hér í dag, börðust eins og brjálæðingar og hlupu eins og vitleysingar, þá finnst mér þær bara eiga hrós skilið og þær mega alveg vera svekktar hérna fram eftir kvöldi og svo bara náum við okkur á morgun og förum að hugsa um næsta leik.”
Viðtalið í heild sinni má sjá hér að ofan.
Athugasemdir
