Ómar Jóhannsson, aðstoðarþjálfari Keflavíkur, mætti í viðtal eftir 4-0 tap gegn Víkingum í Pepsi-deildinni í dag.
Lestu um leikinn: Keflavík 0 - 4 Víkingur R.
„Lélegt. 4-0 tap, ekki nógu gott - svipað og tímabilið," sagði Ómar aðspurður út í leikinn.
„Liðið í heild klikkar, allt frá þjálfara og stjórn til leikmanna. Það skín í gegn að við erum ekki nógu sterkir, hvergi."
Keflavík er fallið úr deildinni og hefur ekki unnið leik í sumar. Eysteinn Húni Hauksson og Ómar tóku við liðinu á miðju tímabili. Er eitthvað byrjað að ræða þjálfaramálin fyrir næsta tímabil?
„Það er eitthvað lítið, það er einn leikur eftir og við reynum að klára hann eins vel og við getum."
Keflavík sækir Val heim í lokaumferðinni. Keflavík getur haft áhrif á það hvaða lið vinnur titilinn. „Mér er alveg sama hver vinnur titilinn en ég væri til í góðan leik."
Sjáðu viðtalið hér að ofan.
Athugasemdir