Ágúst Gyfason ásamt Guðmundi Steinarssyni aðstoðarmanni sínum.
„Við mættum ekki í fyrri hálfleikinn og KR-ingar mættu aggresívir og við lentum bara í vandræðum," sagði Ágúst Gylfason þjálfari Fjölnis eftir 3-1 tap gegn KR í Lengjubikarnum í kvöld.
„Þeir stjórnuðu leiknum algjörlega frá A-Ö og 3-0 var alveg sanngjarnt í hálfleik. Ég talaði við strákana í hálfleik og spurði hvort þeir ætluðu að spila heilan leik svona? Við ákváðum að breyta aðeins til og gera taktískar breytingar. Lykilatriðið var að koma og mæta í þennan leik og við gerðum það í seinni hálfleik. Mér fannst við vera nokkuð öflugir í seinni miðað við hvað við vorum lélegir í seinni hálfleik."
Nú eru tveir mánuðir í Íslandsmótið og því var ekki úr vegi að forvitnast um hvort Gústi ætli sér að bæta við sig fleiri leikmönnum fyrir tímabilið.
„Þessi hópur kom saman fyrir viku síðan, útlendingarnir og aðrir. Við þurfum að púsla þessu saman. Í leiknum í dag var líka mikið af breytingum. Við munum eitthvað styrkja okkur, sérstaklega varnarlega. Við erum með fáa varnarmenn og þurfum bæði menn í liðið og backup. Það verða ný andlit hérna á næstunni," sagði Gústi en Igor Taskovic sem kom frá Víkingi í vetur spilaði sem miðvörður í dag.
„Hann leysir náttúrulega báðar stöður en ég hugsa hann sem miðjumann númer eitt. En við þurfum varnarmenn og hafsent. Svo er Viðar Ari að fara út til Brann á mánudaginn og vonandi stendur hann sig mjög vel þar og fær að fara þangað. Það væri flott fyrir hann að láta drauminn rætast. Þá þurfum við einn annan varnarmann."
Athugasemdir
