Ítalía varð í kvöld þrettánda liðið til að tryggja sig inn á Evrópumót kvenna sem fer fram í Englandi á næsta ári.
Ítalía gerði sér lítið fyrir og vann mjög svo sannfærandi 12-0 sigur gegn Ísrael í dag.
Sigurinn tryggði farseðilinn á EM fyrir Ítalíu. Þær komast inn á mótið sem eitt af þeim þremur liðum sem eru með bestan árangur í öðru sæti í undanriðlinum. Þær fara þá leið á mótið ásamt Íslandi og Austurríki.
Það eru 13 lið komin inn á mótið núna og þrír farseðlar í viðbót í boði.
Síðustu liðin til að komast inn á mótið þurfa að fara í gegnum umspil sem verður spilað í apríl. Þau sex lið sem enduðu í öðru sæti í undanriðlunum og komust ekki beint á mótið taka þátt í umspilinu.
Liðin sem eru komin á mótið: Austurríki, Belgía, Danmörk, England, Frakkland, Þýskaland, Ísland, Ítalía, Holland, Noregur, Svíþjóð, Spánn og Portúgal.
Athugasemdir