Birkir Bjarnason.
Birkir Bjarnason er ekki í landsliðshópnum þessa stundina þar sem hann er ekki búinn að spila mikið með félagsliði sínu upp á síðkastið.
Birkir er á mála hjá Adana Demirspor í Tyrklandi en hann er að reyna að fá samningi sínum rift hjá félaginu.
Birkir hefur að undanförnu verið að æfa með Viking í Noregi en hann á góðar minningar þaðan eftir að hafa leikið með félaginu í upphafi ferils síns.
Það þykir nú æ líklegra að Birkir muni semja við Viking en á norska fjölmiðlinum Nettavisen er fjallað um það að félagið sé mögulega að selja sænska kantmanninn Kevin Kabran. Stabæk hefur sýnt áhuga á honum.
„Það gæti opnað dyrnar fyrir endurkomu gamals vinar í Viking," segir í greininni og þar er minnst á Birki.
Birkir er orðinn 34 ára gamall en hann gæti örugglega reynst liði Viking vel.
Athugasemdir
