Martial skoraði þrennu.
Gylfi byrjaði á bekknum en kom inn á sem varamaður.
Aston Villa náði í stig gegn Newcastle en er sem áður í fallsæti.
Raul Jimenez skoraði sigurmark Úlfana.
Anthony Martial skoraði þrennu þegar Manchester United vann Sheffield United á Old Trafford í ensku úrvalsdeildinni.
United byrjaði með bæði Bruno Fernandes og Paul Pogba á miðsvæðinu og liðið spilaði mjög vel í leiknum. Martial skoraði fyrsta markið eftir sjö mínútur eftir fasta fyrirgjöf frá félaga sínum í sókninni, Marcus Rashford.
Rashford átti sjálfur að skora og fékk hann fleiri en eitt tækifæri til þess. Martial skoraði sitt annað mark á 44. mínútu, en í þetta skipti eftir sendingu frá Aaron Wan-Bissaka. Brosmildi Frakkinn var sjóðandi heitur í þessum leik og hann fullkomnaði þrennu sína í seinni hálfleiknum. Hans fyrsta þrenna fyrir félagið og fyrsta deildarþrennan hjá Manchester United frá því að Sir Alex Ferguson hætti sem stjóri liðsins 2013.
That first #MUFC hat-trick feeling 🔥🔥🔥@AnthonyMartial pic.twitter.com/Ol2SvvrnU2
— Manchester United (@ManUtd) June 24, 2020
Sanngjarn sigur Man Utd og er liðið í fimmta sæti, tveimur stigum á eftir Chelsea. Bláliðar frá London eiga þó leik til góða á United. Sheffield United hefur tapað tveimur í röð, en liðið er í áttunda sæti, fimm stigum frá Manchester United.
Gylfi kom inn á í sigri Everton
Gylfi Þór Sigurðsson kom inn á sem varamaður áður en seinni hálfleikurinn byrjaði í leik Everton og Norwich. Gylfi hefur byrjað síðustu tvo leiki á bekknum. Gylfi þótti koma sterkur inn í leikinn núna.
Never thought I’d say this but Sigurdsson has done well since the restart
— 🕺🏼 (@paul1878___) June 24, 2020
Leikurinn var markalaus í hálfleik, en miðvörðurinn Michael Keane skoraði sigurmarkið á 55. mínútu eftir hornspyrnu Lucas Digne. Everton fer upp í tíunda sæti á meðan Norwich er í neðsta sæti deildarinnar, sex stigum frá öruggu sæti.
Ahmed Elmohamady bjargaði stigi fyrir Aston Villa gegn Newcastle og Wolves lagði Bournemouth, 1-0. Wolves er í sjötta sæti, Newcastle í 13. sæti og eru Bournemouth og Aston Villa í fallsæti eins og er. Fallbaráttan, fyrir utan Norwich, er mjög spennandi.
Hér að neðan má sjá úrslit og markaskorara í leikjunum sem voru að klárast.
Manchester Utd 3 - 0 Sheffield Utd
1-0 Anthony Martial ('7 )
2-0 Anthony Martial ('44 )
3-0 Anthony Martial ('74 )
Newcastle 1 - 1 Aston Villa
1-0 Dwight Gayle ('68 )
1-1 Ahmed Elmohamady ('83 )
Norwich 0 - 1 Everton
0-1 Michael Keane ('55 )
Wolves 1 - 0 Bournemouth
1-0 Raul Jimenez ('60 )
Klukkan 19:15 hefst leikur Liverpool og Crystal Palace. Byrjunarliðin má sjá hérna.
Athugasemdir
