Kjartan: Töluðum um að passa okkur þessar 5-7 mínútur og vera þéttar

„Þetta var bras hjá okkur framan af og gekk ekki vel að hemja boltann. Lagaðist í seinni hálfleik."

Fylkir komst í tvígang yfir í leiknum en Þór/KA svaraði í bæði skiptin með marki á næstu tveimur mínútum. Hvernig er að fá mark svona beint í andlitið eftir að hafa komist yfir?

„Frekar svekkjandi og við vorum búin að tala um þetta að ef við kæmumst yfir að passa okkur í fimm til sjö mínútur [eftir skorað mark] og vera svolítið þéttar. Leiðinlegt að skora sjálfsmark, þetta var fast og gott skot inn í þannig ekki mikið við því að gera. Ég var fúll að ná ekki að stoppa þær í að komast aftur fyrir okkur."

Sólveig Jóhannesdóttir Larsen átti að byrja leikinn í kvöld en tilkynnt var um breytingu á liði Fylkis skömmu fyrir leik. Inn kom Eva Rut Ásþórsdóttir. Meiddist Sólveig í upphitun?

„Hún er mjög tæp, er með tak aftan í læri þannig ég veit ekki hversu alvarlegt það er. Alla vega það alvarlegt að hún gat ekki spilað."

Margrét Björg Ástvaldsdóttir kom inn á sem varamaður á 54. mínútu í leiknum og skoraði fyrsta mark leiksins um stundarfjórðungi seinna og á svo þátt í seinna markinu. Hvernig var að sjá varamann koma svona vel inn í leikinn?

„Glæsilegt. Hún er ein af þeim sem getur verið byrjunarliðsmaður. Hún lenti í árekstri og er aðeins að stíga upp úr því. Þetta er annar leikmaðurinn okkar sem lendir í árekstri. Veit ekki alveg hvað ég á að gera í því. Margrét er að verða góð og tekur þetta hægt og rólega."

Kjartan var að lokum spurður út í hvort það væri jákvætt að vera enn taplausar. Kjartan játti því en sagði þó svekkjandi að ná ekki meira út úr jafnteflisleikjunum.

„Við þurfum [í þessu tilviki] að vera þéttari og halda fengnum hlut."

Viðtalið í heild má sjá í spilaranum hér að ofan.