Enski bakvörðurinn Ashley Young gaf fólki ráðleggingar við að koma í veg fyrir að smitast af kórónaveirunni á Twitter í gær en hann gerði langan þráð fyrir fylgjendur sína.
Young var keyptur til Inter frá Manchester United í janúar og býr því í Mílanó sem er í Lombardí-héraði. Mikið hefur verið um dauðsföll á því svæði eða 60 prósent af heildartölunni sem er nú í kringum sjö þúsund.
Hann gefur fólki ráðleggingar á Twitter og höfðar þar mest til Bretlandseyja en veiran breiðist hratt og hefur Boris Johnson, forsætisráðherra Bretlandseyja, boðað útgöngubann og má fólk aðeins fara í matvörubúðir eða til að kaupa nauðsynjar.
Johnson hefur greint þjóðinni frá því að ef fólk er að fara út í hópum þá mun lögreglan bregðast við.
Young hvetur fólk til að vera heima og ef það fer í matvörubúð að vera með hanska, sýna tillitsemi og einnig vera með klút eða eitthvað til að hylja andlitið. Einnig kemur hann inn á að fólk eigi ekki að vera gráðugt í verslunum og halda fjarlægð.
Hægt er að lesa skilaboðin hjá Young með því að ýta á tengilinn hér fyrir neðan.
Hi everyone, just wanted to share my thoughts given I'm currently living in Italy, the epicentre of the virus.
— Ashley Young (@youngy18) March 24, 2020
Athugasemdir